Рейтер агенттиги маалымдагандай, Израил армиясы (ЦАХАЛ) Газанын түндүгүндөгү Камал Адван ооруканасында рейд жүргүзүп, ондогон бейтапка жана жүздөгөн башка кишилерге комплекстен эвакуациялануу буйругун берген.
ХАМАС (АКШ жана Еврошаркетте террордук деп таанылган) радикал тобу башкарган тилкенин саламаттык сактоо мекемеси ооруканадагы кызматкерлер менен байланыш үзүлгөнүн билдирди.
ЦАХАЛ ооруканада "хамасчылар" жашырынганын, ал жактан аракеттенгенин жана карапайым адамдар менен медициналык кызматкерлер коопсуздугун камсыздоо үчүн рейд алдында эвакуацияланганын маалымдады.
Палестиналык дарыгерлердин айтымында, Израилдин күчтөрү бир нече жумадан бери Газанын түндүк тарабында операция жүргүзүп, Камал Адван жана индонезиялык оорукана бир нече жолу чабуулга туш болгон.
Ал арада AFP анклавдын саламаттык сактоо мекемесинин маалыматына шилтеме берип, бейшембиден жумага чейин 37 киши набыт болгонун, согуш башталгандан бери каза тапкандар 45 миң 436га жеткенин билдирди.
Газадагы согуш 2023-жылы 7-октябрда "хамасчылардын" Израилге кол салуусунан башталган. Алар 1200дөй адамды өлтүрүп, 250дөн ашуунун барымтага алган. Барымтадагылардын жарымынан көбү ошондон бери өлтүрүлгөн же бошотулган.
