Кыргызстандын мамлекеттик карызы 6,6 млрд доллар болду
Анын ичинен тышкы карыз 4 млрд 526,34 млн доллар, ички карыз 2 млрд 54,66 млн доллар.
Маалыматка ылайык, тышкы карыз былтыркы жылдын аягындагы көрсөткүчтөн 90,3 млн долларга азайган, ал эми ички карыз, тескерисинче, 426,86 млн долларга көбөйгөн.
Жалпысынан 2024-жылы мамлекеттик карыздын көлөмү 336,5 млн долларга көбөйдү.
Тышкы карыздын басымдуу бөлүгү - 1,658 млрд доллары Кытайдын Эксимбанкына таандык.
Кыргызстан өнүккөн өлкөлөрдү тышкы карызын Жашыл климатты колдоо багытында кечүүгө чакырып келет.
Буга байланыштуу Германия 15 млн евро, Түркия 59 млн доллар карызды кечкен. (ZKo)