Зарипова Татарстанда махсус операция хәрбиләре гаиләләренә ярдәм итү турында сөйләде

Махсус операциянең беренче көннәреннән бирле Россия Президенты Владимир Путин, төбәк һәм муниципаль хакимиятләрнең карарлары буенча, хәрбиләрнең гаиләләренә комплекслы ярдәм күрсәтелә. Бу хакта «Яңа ел белән, гаилә!» телемарафоны студиясендә республиканың хезмәт, мәшгульлек һәм социаль яклау министры Эльмира Зарипова сөйләде.

«Балалар (махсус операциядә катнашучыларның – Т-И искәрмәсе) мәктәпне тәмамларга тиеш иде. Һәр гаиләдә мәктәпне тәмамлау нәрсә ул? Аны (баланы – Т-И искәрмәсе) киендерергә, бәйрәм табыны ясарга һәм башка нәрсәләр өчен акча җыярга кирәк. Монда махсус операциядә катнашучыларның гаиләләре бердәм түләү алды. Соңыннан хәрбиләрнең гаиләләрендә өлкән кешеләр барлыгын да күрдек. Бүген аларга өйдә социаль хезмәт күрсәтелә. Хәрбинең гаиләсендә бала туа икән, без балалар өчен кирәк-ярак комплекты тапшырабыз», – диде Зарипова.

Моннан тыш, махсус операциядә катнашучыларның гаиләләренә санаторийларга һәм балаларына сәламәтләндерү лагерьләренә юлламалар бирелә.

«Бу ир-ат хәрби бурычын үтәгән гаиләләргә чыннан да комплекслы ярдәм. Аның гаиләсе игътибарсыз калмый, муниципалитетлар да зур өлеш кертә. Бушлай ашату да, төрле түгәрәкләр дә бар, ягъни, балаларга да, олыларга да ярдәм күрсәтелә», – дип йомгаклады министр.