Менделеевск районы башлыгы Радмир Беляев хәрби хезмәткәр Сергей Тютинның ике баласының теләкләрен үтәячәк. Артем һәм Катяның Яңа ел хыялларын ул йомгаклау фотосессиясе алдыннан «Теләкләр чыршысы» хәйрия акциясеннән алды.
«Артем белән Катяның теләкләрен үтәүгә шат булачакмын, аларның хатлары миңа «Теләкләр чыршысы» акциясендә эләкте. Аларның әтиләре Сергей хәзер махсус хәрби операция зонасында хезмәт итә. Артем акыллы сәгать турында хыяллана, ә Катя Яңа елга цифрлы фотокамера алырга тели», - дип шәрехләде Беляев.
«Теләкләр чыршысы» - традицион Яңа ел акциясе, анда теләгән һәркем катнаша ала. Элегрәк аның кысаларында Россия Президенты Владимир Путин бер кызга үзен яңалыклар алып баручы ролендә сынап карарга, икенчесенә — Байкалда булырга, ә малайга Эрмитажга барырга ярдәм итте.
Үз чиратында Татарстан Рәисе Рөстәм Миңнеханов яшь татарстанлыларның «Ак Барс» хоккей командасы уенчылары белән очрашу хыялын гамәлгә ашырды, шулай ук Лисичанскида яшәүче малайга бүләк тапшырды. Ә Россия Хөкүмәтендә ралли-рейдларның кечкенә фанатына «КАМАЗ-мастер» командасы базасында булырга ярдәм иттеләр.
«Татар-информ» агентлыгы хәбәр иткәнчә, Менделеевскида «Үзебезнекеләр өчен Яңа ел бүләге» акциясен игълан иткәннәр.
Фото, видео: Менделеевск районы матбугат хезмәтеннән
