Казанның «Лазурные небеса» торак комплексында пилотсыз оча торган аппарат (БПЛА) бәрелүдән соң башланган янгынны видеога төшергәннәр.
Урында янгын сүндерүчеләр эшли. Зыян күрүчеләр турында мәгълүмат әлегә юк.
Вазгыять Татарстан Рәисе Рөстәм Миңнеханов контролендә. Республика Рәисе матбугат хезмәте җитәкчесе Лилия Галимова хәбәр иткәнчә, аның кушуы буенча урынга Татарстан Премьер-министры Алексей Песошин бара.
«Татар-информ» агентлыгы Россия Саклану министрлыгы мәгълүматлары буенча, бүген 7.50 сәгатьтә Татарстан территориясендә пилотсыз очкыч юк ителүе турында хәбәр иткән иде.
