Кәгазь журналистика, кәгазь китаплар кебек үк, үзгәреп торучы зур дөньяда урынын саклап калачак. РФ Президенты Владимир Путин туры элемтә вакытында шундый фикере белән уртаклашты.
«Гаджеттан файдалану мөмкинлеге бар бит, анда яхшы шрифт белән төрле телләрдә барысы да язылган, мин дә кайчагында аны кулланам, ә китапны кулыңа алуга килгәндә, анысы бөтенләй икенче. Кәгазь журналистика да кулыңа шул ук «Известия» яки «Комсомолка»ны («Комсомольская Правда» - Т-и иск.) алып битләрен актарган, казынган кебек, ул ниндидер канәгатьлек бирә», - диде Путин.
Ул журналистика белән шөгыльләнүчеләр укучыларда сакланган бу кызыксынуны исәпкә алыр дигән ышаныч белдерде. «Иң мөһиме – контент, эчтәлек. Әгәр кәгазь басмаларның интернеттагы чүп-чар белән чагыштырганда лаеклы контенты булса, ул беркая да китмәячәк һәм үлмәячәк», - дип сүзен төгәлләде Путин.
