Россия Федерациясе Президенты Владимир Путин, илнең суверенитетын яклап, үз карарлары белән дәүләтне саклап калганын әйтте. Бу хакта ул туры эфир барышында сөйләде.
«Минемчә, саклап калу гына түгел, без упкын читеннән киттек, чөнки Россия белән булган хәлләр безнең суверенитетның тулысынча юкка чыгуына алып бара иде», – дип белдерде Путин.
Президент суверенитетсыз Россиянең мөстәкыйль дәүләт булып яши алмавын ассызыклады. Ул илебезнең, «җилкәсенә кагып, үз максатларында файдаланырга теләп, Россияне үзенә тарткан чит илләрнең ихтыяҗларын түгел», ә үз мәнфәгатьләрен кайгыртып, карарлар кабул итә алырлык мөстәкыйль һәм ирекле держава булуын билгеләп узды. Моның өчен, мөмкин булганның барысын да эшләгәнен әйтте.
