Авыл җирлеге башлыклары кешеләргә хезмәт итә һәм һәрвакыт авылдашлары белән туры элемтәдә. Татарстан Рәисе Рөстәм Миңнеханов Казанда узган «ТР Муниципаль берәмлекләр советы» ассоциациясенең XIX съездында урыннарда башкарыла торган эшнең мөһимлеге турында белдерде, дип яза «Татар-информ».
Миңнеханов чыгышында бигрәк тә махсус хәрби операция үткәрелгән шартларда авыл җирлеге башлыклары башкара торган эшнең мөһимлеген билгеләп үтте.
«Без көчле Россия һәм халык белән эшләү өчен», - дип искәртте Татарстан Рәисе.
Муниципаль берәмлекләр советы съездында Татарстанның барлык муниципаль берәмлекләре вәкилләре – 956 делегат, шулай ук 300дән артык чакырылган кеше – республика һәм дәүләт хакимияте вәкилләре, РФ Дәүләт Думасына һәм РФ Федерация Советына Татарстаннан сайланган депутатлар, җирле үзидарә органнары ветераннары, территориаль иҗтимагый үзидарә һәм якташлыклар, иҗтимагый оешма җитәкчеләре катнашты.
Съезд нәтиҗәләре буенча Татарстанның дәүләт хакимияте һәм җирле үзидарә органнарының уртак чаралар планы формалаштырыла. Ул республика министрлыклары, ведомстволары һәм муниципалитетлары эшендә төп документ булачак.
