Зәйдә махсус операциядә катнашучы гаиләсенә 100 мең сумлык сертификат тапшырдылар

Бүген махсус операциядә катнашучылар белән очрашуда Зәй районы башлыгы Рәзиф Кәримов 26 ноябрьдә уллары туган Александр һәм Камилла гаиләсенә 100 меңлек сертификат тапшырды. Малайга Михаил дип исем кушканнар, аның авырлыгы 3490 грамм, буе 53 сантиметр.

«Бу безнең икенче балабыз. Олы улыбыз Павелга хәзер өч яшь ярым. Кече улыбызга Михаил дип исем кушарга уйладык, чөнки бу исемне төштә күргән идем. Без бик шат», – дип сөйли баланың әнисе Камилла.

Бүген, 17 декабрьдә, Камилланың туган көне. Район башлыгы гаиләне бу мөһим вакыйга белән котлады, аларга чәчәкләр, акчалата сертификат һәм ике балага да бүләкләр тапшырды.

«Зәй районында махсус операциядә катнашучылар гаиләсендә туган унтугызынчы бала инде бу. Зәйдә балалар тууы, бигрәк тә геройлар гаиләсендә балалар туу сөендерә», – диде Рәзиф Кәримов.

Гаилә башлыгы Александр хәрби хезмәткә 2022 елда киткән. Аның позывное – Гвардеец. 2023 елның 15 гыйнварында ул яралана һәм хәзерге вакытта тернәкләнү уза. «Батырлык һәм кыюлык» өчен медале белән бүләкләнгән.

• 2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.

Язма Айгөл Яруллина ярдәме белән әзерләнде.