Белоусов киләсе елда хәрби-эксперименталь үзәкләр челтәре булдыру турында сөйләде
Киләсе елда хәрби-эксперименталь үзәкләр челтәре булдыру планлаштырыла. Бу хакта Андрей Белоусов Саклану министрлыгы коллегиясенең киңәйтелгән утырышында сөйләде
«Барыннан да элек, технологияләр үсешен исәпкә алып, кораллануның һәр системасы буенча фәнни-тикшеренү һәм тәҗрибә-конструкторлык эшләре исемлеген яңадан карарга кирәк», – дип сөйләде Белоусов.
Аның сүзләренчә, киләсе елда төп фәнни-технологик юнәлешләр буенча хәрби-эксперименталь үзәкләр челтәре булдыру планлаштырыла.
«Мондый үзәкләр хәрби шартларда үрнәкләрне сынау һәм апробацияләүне гамәлгә ашырырга, сәнәгать белән тыгыз хезмәттәшлек итәргә тиеш булачак. Шулай ук белгечләрне укытуны һәм гаскәрләргә яңа эшләнмәләр кертүне тәэмин итәргә», - ди Россия саклану министры.
Шулай ук аның фикеренчә, гражданлык фәнни җәмәгатьчелеге, җитештерү лабораторияләре белән үзара хезмәттәшлекнең сыйфатлы яңа системасын җайга салырга һәм хәрби технологик инициативаны эшләтеп җибәрергә кирәк.