ТР Рәисе Рөстәм Миңнеханов Россия Югары суды рәисе урынбасары – РФ Югары судының икътисади бәхәсләр буенча Суд коллегиясе башлыгы Юрий Иваненко белән очрашты. Бу хакта Татарстан лидерының матбугат хезмәте хәбәр итә.
Республика ягыннан очрашуда ТР Рәисе Администрациясе җитәкчесе Әсгать Сәфәров, ТР Премьер-министры урынбасары – Министрлар Кабинеты Аппараты җитәкчесе Шамил Гафаров һ.б. катнашты.
Яклар үзара хезмәттәшлек мәсьәләләре, төбәктә агымдагы финанс-икътисади вазгыять хакында фикер алышты.
Иваненко Татарстанга ТР Арбитраж суды коллективына ведомствоның яңа җитәкчесен тәкъдим итү максатыннан килде.
