Белоусов 48 меңнән артык хәрбинең фатирга һәм субсидиягә чиратта торуын әйтте
48 меңнән артык хәрби фатирга һәм субсидиягә чиратта тора. Бу хакта Россия Саклану министрлыгы коллегиясенең киңәйтелгән утырышында Андрей Белоусов әйтте.
Аның сүзләренчә, бу өлкәдә төп максат – торак ала алучылар санын арттыру һәм торак субсидияләрен бирүгә чиратны тотрыклы кыскартуны тәэмин итү.
«Киләсе елда торак субсидиясен бирү өчен 149 миллиард сум күләмендә өстәмә финанслау бүлеп бирергә кирәк. Шул ук вакытта хәрбиләрнең чират буенча хокукларын катгый үтәргә кирәк», – дип сөйләде саклану министры Белоусов.
Ул билгеләп үткәнчә, торак фондын инвентаризацияләү һәм торакны исәпкә алуда тәртип урнаштыру һәм аны куллануны мониторинглау һәм контрольдә тоту системасын булдыру мөһим.
Торак фондының төзелеш төгәлләнмәгән объектларны файдалануга тапшыру буенча чаралар күрү мөһим.
«Хәрби ипотека өлкәсендә аның бәясе кыйммәтләнү компенсациясен исәпкә алып, торак сатып алу мөмкинлеген киңәйтүне тәэмин итәргә кирәк. Якындагы өч елда тупланма-ипотека системасында катнашучылар саны ике тапкыр, ягъни 800 мең хәрби хезмәткәргә кадәр артачак», - дип өстәде Россия саклану министры.