Түштүк Корея: парламент президентке импичмент жарыялоону колдоду
Мыйзамга ылайык, эми президент кызматынын убактылуу четтейт жана анын милдетин өкмөт башчы аткарып турат. Конституциялык сот 180 күндүн ичинде аны ыйгарым укуктарынан ажыратуу керекпи же жокпу деген маселени чечет.
Парламентте импичмент жарыялоо биринчи ирет бир апта мурун да коюлган. Ага 195 гана депутат катышып, добуш жетиштүү болбой калган. Оңчул партия бойкот жарыялап, Демократиялык партиянын өкүлдөрү добуш берүүгө катышуудан баш тартып, жыйындан чыгып кеткен. Парламентте оппозицияда 192, президенттик “Элдин күчү” партиясында 108 мандат бар.
Парламент имаратынын алдында Юн Сок Ёлго импичмент жарыялоо жана камакка алуу талабы менен нааразылык акциялары өткөн жана полиция менен кагылышуулар орун алган.
Президент 3-декабрда кечинде күтүүсүз өлкөгө аскердик абал жарыялаган. Ал өз чечимин "оппозициянын мамлекетке каршы ишмердүүлүгү өкмөткө жолтоо болуп жатканы" менен түшүндүргөн.
Президенттин кайрылуусунан бир нече сааттан кийин парламенти бул жарлыкты жокко чыгарган. Юн Сок Ёл жарлыгы үчүн коомчулуктан кечирим сураган. Коргоо министри кызматтан кеткен жана көп өтпөй эле камакка алынган.