Түштүк Кореянын парламенти президент Юн Сок Ёлго импичмент жарыялоо үчүн жетиштүү добуш топтой албай калганын Yonhap басылмасы жазды.
Парламенттеги 300 депутаттын 195и гана добуш берүүгө катышты. Мыйзам боюнча президентке импичмент жарыялоо үчүн кеминде 200 депутаттын макулдугу керек.
Парламенттеги добуш берүү оңчул партиянын бойкотунан улам үзгүлтүккө учурады. Демократиялык партиянын өкүлдөрү добуш берүүгө катышуудан баш тартып, жыйындан чыгып кетишти. Парламенттеги оппозицияда 192, президенттик “Элдин күчү” партиясында 108 мандат бар.
Сеулда парламент имаратынын алдында президент Юн Сок Ёлго импичмент жарыялоо жана камакка алуу талабы айтылган акциялар уланууда.
3-декабрдын кечинде президент Юн Сок Ёль күтүүсүздөн өлкөсүндө аскердик абал жарыялаган. Ал өз чечимин "оппозициянын мамлекетке каршы ишмердүүлүгү өкмөткө жолтоо болуп жатканы" менен түшүндүргөн.
Президенттин кайрылуусунан бир нече сааттан кийин 3-декабрда Түштүк Кореянын парламенти президенттин жарлыгын жокко чыгарган. Бул үчүн 190 депутаттын бири калбай добуш берип, парламент бул чечимди жокко чыгарган. Ал учурда ондогон адам парламент алдына нааразылык акциясына чыгып, полиция менен кагылыша кеткен. (TAb)
