Самараның «Туган тел» җәмгыяте президенты Ильяс Шәкүров 400 данә татар календаре тапшырды
Самараның «Туган тел» өлкә татар җәмгыяте президенты, Самара өлкәсе татар эшкуарларына ярдәм күрсәтү ассоциациясенең идарә рәисе Ильяс Шәкүров 2025 елның истәлекле даталары һәм вакыйгалары кергән 400 данә татар календарен бушлай тапшырды. Бу хакта «Самара татарлары» сайты хәбәр итә.
Мәктәп китапханәләрендә урнаштыру өчен – Самара өлкәсе Мәгариф һәм фән министрлыгына (25 данә), Самара шәһәр администрациясенең Мәгариф департаментына (175 данә); өлкә китапханәсе һәм аның структур бүлекчәләре фондларында урнаштыру өчен – Самара өлкә универсаль фәнни китапханәсенең комплектлау бүлегенә (200 данә) календарьлар тапшырылды, диелә хәбәрдә.