Улуттук онкология жана гематология борборун Нурбек Букуев жетектейт
Улуттук онкология борборунун мурдагы жетекчиси Бактыгүл Султангазиева бир ай мурун кызматынан алынган. Аны кызматтан алуу сунушун саламаттык сактоо министри Алымкадыр Бейшеналиев Министрлер кабинетине киргизген.
Султангазиеванын дарегине Жогорку Кеңештин бир катар депутаттары сын-пикир айтышкан. Депутат Айсулуу Мамашева аны "онкология дартына чалдыккан бейтаптарды жеке клиникасына барып дарыланууга мажбурлайт" деп айыптаган.
Депутаттардын дооматтарына Бактыгүл Султангазиева эч кандай комментарий берген эмес.
Султангазиева аталган борборду 2021-жылдан бери жетектеп келди. (ZKo)