Краснодарда «Татарча Яңа ел» бәйрәме була
21 декабрьдә 13:00 сәгатьтә Краснодар шәһәре Милли мәдәниятләр үзәгендә «Татарча Яңа ел» бәйрәме була. Бу хакта Краснодар шәһәре «Болгар-К» татар җәмгыяте» төбәк иҗтимагый оешмасы ВКонтакте социаль челтәрендәге сәхифәсендә хәбәр итә.
Кечесеннән алып олысына кадәр барыгызны да искиткеч Яңа ел тантанасына кушылырга һәм аны аралашу, күңел ачу, җыр-биюләр һәм позитив белән тулыландырырга чакырабыз, диелә хәбәрдә.
Хәбәрдән билгеле булганча, тамашада Кыш бабай, Кар кызы һәм башка әкият персонажлары катнаша. Шулай ук балалар өчен уеннар һәм өлкәннәр өчен сюрпризлар көтелә.