«Татар-информ»да «Гармунтуй» концерты турында сөйләшәчәкләр
4 декабрьдә, 11:00 сәгатьтә «Татар-информ» мәгълүмат агентлыгында «Гармунтуй» «Уйнагыз, гармуннар!» телевизион тапшыруының йомгаклау Гала-концертына багышланган матбугат конференциясе була.
Чарада педагогика фәннәре докторы, профессор, Казан дәүләт мәдәният институты ректоры Роза Әхмәдиева, «Татарстан» дәүләт телерадиокомпаниясе директоры Фирдүс Гыймалтдинов, Татарстанның атказанган артисты, Казан дәүләт мәдәният институты доценты, «Уйнагыз, гармуннар!» телевизион тапшыруының идея авторы Наил Сәгъдиев, «Татарстан» дәүләт телерадиокомпаниясенең алып баручысы, Хөкүмәт чараларын алып баручы, «Уйнагыз, гармуннар!» тапшыруының режиссеры, мөхәррире, алып баручысы, монтажлаучысы, «Гармунтуй» концертының режиссеры, сценарий авторы Айзилә Батырханова катнашачак.
«Татар-информ» сайтында матбугат конференциясеннән онлайн трансляция оештырыла. Сорауларны онлайн-видеога комментарийда яисә WhatsApp мессенджеры аша 7 (927) 037-91-10 номерына юлларга мөмкин. Гаммәви мәгълүмат чарасының исемен күрсәтү сорала. Аккредитация өчен электрон почта: pr@tatar-inform.ru.
