Түбән Кама районының 4 балалар бакчасы һәм 2 мәктәбе Татарстанда яшәүче халыкларның телләрен, гореф-гадәтләрен һәм мәдәниятләрен саклау һәм үстерү проектларын гамәлгә ашыруга юнәлдерелгән республика конкурсында җиңү яулады. Һәр учреждение әлеге максатларга 500 мең сум күләмендә грант алды. Бу хакта https://tat.e-nkama.ru хәбәр итә.
Республика конкурсы өченче ел рәттән үткәрелә. 27нче (Фатих Кәримнең туган якны өйрәнү музее) һәм 31нче (халык костюмының туган якны өйрәнү музее) мәктәпләр, үз музейларының эшчәнлеге турында проектлар тәкъдим итеп, җиңү яулады.
Шулай ук 25, 44, 87 нче мәктәпкәчә учреждениеләр һәм Шәңгәлче авылы балалар бакчасы коллективларын да җиңүләре белән котлыйбыз. Балалар бакчалары «Туган телгә – халык әкиятләре аша» (25 нче), «Татарстан халыкларының мәдәниятен һәм традицияләрен хәзерге заман призмасы аша саклау» (87 нче), «Мәктәпкәчә яшьтәге балалар өчен татар телендә «Акыллы балачак» интерактив уеннар комплекты» (44 нче) һәм «Тарихи бизәкләр» (Шәңгәлче авылының «Салават күпере» балалар бакчасы) кебек проектлар белән чыгыш ясады.
