Табигый катаклизмнар күзәтелә яки кораллы низаг килеп чыгу ихтималы булган районнарда яшәүче россиялеләргә «хәвеф чемоданы» җыярга кирәк. Россия Гадәттән тыш хәлләр министрлыгы сайтында шул хакта хәбәр ителә.
«Дөрес итеп комплектлаштырылган «хәвеф чемоданы» кешенең экстремаль шартларда яшәвен тәэмин итә алачак», - диелә хәбәрдә.
Ведомство киңәшләре нигезендә, чемоданда шырпы, радиоалгыч, калорияле азык-төлек, акча һәм документлар, беренче медицина ярдәме күрсәтү өчен җыелма, беренче чиратта кирәкле әйберләр (аптечка, пычак, фонарь һ.б.), кием-салым булырга тиеш.
Элегрәк Россия Гадәттән тыш хәлләр министрлыгының ТР буенча Баш идарәсе татарстанлыларга шторм кисәтүе вакытында иминлек чаралары турында искәрткән иде.
