Уфаның «Цветы Башкирии» торак комплексында урнашкан бер урамга генерал Мәхмүт Гәрәев исемен бирделәр. Бу хакта «Башинформ» агентлыгы хәбәр итә.
Шәһәр советы депутатлары бүген, 27 ноябрьдәге чираттагы утырышта әлеге карарны бертавыштан хуплады. 500 метр озынлыгындагы яңа урам Академик Курчатов урамы белән кисешкән җирдә урнашкан.
- Мәхмүт Гәрәев (23.07.1923 – 25.12.2019) – совет һәм Россия хәрби җитәкчесе, армия генералы, хәрби һәм тарихи фәннәр докторы, профессор. Ул алты җирле сугышта һәм кораллы низагларда (шул исәптән Мисырда һәм Әфганстанда) катнашкан. Гомеренең ахырына кадәр ул актив эшләде, төрле халыкара һәм Бөтенроссия конференцияләрендә катнашты. Урамга генерал исемен бирү инициативасы белән РФ Хәрби фәннәр академиясенең төбәк бүлеге чыкты.
