Жыл башында кармалган 11 журналисттердин төртөө - Махабат Тажибек кызы, Актилек Капаров, Айке Бейшекеева жана Азамат Ишенбековдун иши 25-ноябрда Бишкек шаардык сотунда карала баштады. Алардын адвокаттары ишти караган эки судьяга ишенбөөчүлүк көрсөтүп, адилет чечим чыгарарынан шек санай турганын айтышты. Отурумда калган жети журналистти актаган райондук соттун чечими күчүнө киргени белгилүү болду.
