Яшел Үзән шәһәреннән Инна Безгодова «Ата-ана даны» орден медале белән бүләкләнде. Ире белән бергә ул тугыз бала тәрбияли, шуларның өчесе – тәрбиягә алынган. Бу хакта «Татарстан-24» хәбәр итә.
Инна Безгодова беренче баланы ире белән очрашканчы ук уллыкка алган. Малайның тарихы аның күңелен кузгаткан – табибларның фаразларына да карамастан, ул гаиләдә аягына баса алган. Хәзерге вакытта ул институтта укый һәм тулы тормыш белән яши.
Ир белән хатынның ике кызы шактый зур уңышка ирешкән: Мария Мәскәүдә клиник психолог булып эшли, ә Аполлинария скрипкада уйный, дәрәҗәле музыка училищесында белем ала.
Әти-әниләре дә иҗат белән шөгыльләнә: әниләре музыка яза, ә әтиләре – Россия Язучылар берлеге әгъзасы, ул шигырьләр иҗат итә.
Безгодовлар шулай ук биш онык тәрбияли. Аларның дүртесе – олы кызлары Ксениянең балалары.
«Минем өчен әни – үрнәк. Балаларым күп булса да, аңа җитәргә ерак әле», - дип уртаклашты ул.
