Казан мэры Илсур Метшин махсус операция хәрбиләренә югары бүләкләр тапшырды
РФ Президенты Владимир Путин указы нигезендә хәрби бурычын үтәгәндә күрсәткән батырлыгы һәм фидакарьлеге өчен «Батырлык өчен» медале белән Радж Хальфин һәм I дәрәҗә «Кыюлык өчен» медале белән Али Корбанов бүләкләнде. Бүләкләр Казан шәһәре Думасының XXXIV сессиясендә тапшырылды. Хәрбиләрне Казан мэры Илсур Метшин бүләкләде, дип яза «Татар-информ» хәбәрчесе Эльза Кузнецова.
2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча түләнә. Түләүнең күләме арту республикада хәрби хезмәткәрләргә түләүләр арттырылу белән бәйле.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин.