Чаллы табибы хәрби операция зонасында теш дәвалау кабинеты ачу өчен җиһазлар җибәргән
Чаллыда күренекле теш табибы, «Бердәм Россия» партиясе активисты Хәлил Сабиров «Үзебезнекеләрне ташламыйбыз 16» волонтерлар хәрәкәте белән ир-егетләргә махсус хәрби операция зонасында теш дәвалау кабинеты ачу өчен җиһазлар һәм аларга комплектлаучы кирәк-яраклар алу өчен акча бирде. Бу хакта «Шәһри Чаллы» газетасында Зөлфия Галим яза.
Медицина ротасы командованиесе теш табибына ярдәме өчен рәхмәт белдерде.
«Сез җибәргән әйберләр һәм махсус медицина кирәк-яраклары безгә махсус хәрби операция зонасында хәрбиләргә сыйфатлы ярдәм күрсәтергә ярдәм итә. Сезнең фронтка ярдәмегез бәяләп бетергесез. Рәхмәт сезгә», – диелә рәхмәт хатында.