Россия Федерациясе мөселманнары диния идарәсе делегациясе Азәрбайҗан фән эшлеклеләре белән очрашты. Очрашу Азәбайҗан Милли Фәннәр академиясендә узды, дип хәбәр ителә Россия Федерациясе мөселманнары диния идарәсе телеграм-каналында.
Россия кунакларын Фәннәр академиясе президенты, академик Гайсә Хәбиббәйли каршы алды һәм РФ мөселманнары диния идарәсе рәисе, мөфти шәех Равил Гайнетдиннең чыгышыннан соң аңа «Габдулла Тукай и Азербайджан» исемле китабын бүләк итте.
Китап Тукайның Азәрбайҗан матбугаты һәм әдәбияты белән элемтәләренә багышланган, шагыйрьнең 135 еллыгына нәшер ителгән булган. Бүләкне кабул иткәннән мөфти Гайнетдин бөек татар шагыйренең «Китмибез!» шигырен искә төшерде, өзеген залдагыларга да укып күрсәтте.
Мөфти Азәрбайҗан академигына Екатерина II указы белән 1787 елда бастырылган Коръәннең репринт басмасын бүләк итте, диелә хәбәрдә.
