Россиядә яшәүче 90 процентка якын кешенең шәхси мәгълүматлары ачылган
Хәзерге вакытта Россиядә яшәүче 90 процентка якын кешенең мәгълүматлары ачылган. Саклык банкының идарә рәисе урынбасары Станислав Кузнецов шулай дип белдерде. Бу хакта ТАСС агентлыгы хәбәр итә.
Аның сүзләренчә, шәхси мәгълүматларга бәйле вазгыять зур борчу уята. «3,5 миллиардка якын юл ачык файдалануда, биредә 90 процентка якын кешенең мәгълүматлары хакында сүз бара», - диде ул.
Ул билгеләп үткәнчә, 2023 ел һәм 2024 елның беренче өлеше нәтиҗәләре буенча моңа кредит оешмалары гаепле түгел. Аның сүзләренчә, мәгълүматларның 2 процентка якыны алар «ярдәмендә» ачыла. «Мәгълүматларның ачылуында интернет-кибетләр, шулай ук (монысы бик гаҗәп) медицина учреждениеләре төп рольне уйный», - дип искәртте ул.