Дәүләт Думасында ана капиталын ата-аналарның белем алуына файдаланырга чакырдылар
РФ Дәүләт Думасында ана капиталы акчасын ата-аналарның белем алуына файдаланырга рөхсәт итәргә дигән тәкъдим белән чыктылар. Депутат Сергей Колунов Россия Хезмәт һәм социаль яклау министрлыгына шул хакта мөрәҗәгать юллады. Бу хакта РИА Новости агентлыгы хәбәр итә.
Парламентарий мондый чараның кирәклеген Россиядә магистрларның бакалаврлар яки белгечләргә караганда күбрәк акча эшләве белән дәлилләде. Колунов инануынча, ана капиталын файдалану мөмкинлеген киңәйтү Россия гаиләләренең иркен тормышта яшәвендә уңай чагылыш табачак.
«Дәүләтнең бурычы – җәмгыятьне үстерү, нәкъ менә шуңа күрә дә без яшь ата-аналарга ана капиталы акчасын белем алуга юнәлтү мөмкинлеген бирергә тиеш», - диде парламентарий.
Элегрәк Дәүләт Думасында балалары булмаган хатын-кызларны эшкә алудан баш тартуны тыярга тәкъдим иткәннәр иде. Закон проектында әйтелгәнчә, эш бирүченең хатын-кызларны баласын (ул өч яшькә җиткәнче) карау буенча ялга җибәрмәскә хакы юк.