Россия Хөкүмәте эшләрнең кайбер категорияләрен, шул исәптән ташламалар һәм социаль гарантияләр тәкъдим итү, кредитлар буенча процентлар түләүдә йөкләмәләрне туктату һәм мирас хокукларын яклауга бәйле эшләрне караган вакытта махсус хәрби операциядә катнашучылар һәм аларның гаиләләре өчен судларда бушлай юридик ярдәм кертүне күздә тоткан закон проектын хуплады. Бу хакта ТАСС агентлыгы хәбәр итә.
«Бушлай юридик ярдәм күрсәтүнең РФ субъектларының чыгым йөкләмәсе булуын һәм аларның бюджетлары чигендә гамәлгә ашырылырга тиешлеген игътибарга алып, Хөкүмәт аның нигезләмәләрен гамәлгә ашыру чираттагы финанс елына һәм план чорына РФ субъектлары бюджетлары турында законнар белән расланган бюджет ассигнованиеләре чикләрендә башкарылган очракта закон проектын хуплый», - диелә документта.
