Кытай Халык Республикасы лидеры Си Цзиньпин Казанда узачак БРИКС саммитында катнаша
Кытай Халык Республикасы Рәисе Си Цзиньпин 22-24 октябрьдә БРИКС саммитында катнашу өчен Казанга килә. Кытай Тышкы эшләр министрлыгының рәсми вәкиле Хуа Чуньин шулай дип белдерде.
«Россия Федерациясе Президенты Владимир Путинның чакыруы буенча Кытай Халык Республикасы Рәисе Си Цзиньпин БРИКС илләре лидерларының уналтынчы саммитында катнашу өчен Казанга килә», - диде тышкы сәяси ведомство вәкиле. Аның белдерүе Кытай Тышкы эшләр министрлыгы сайтында урнаштырылган.
БРИКС саммиты Казанда 22-24 октябрьдә уза. Анда 30дан артык илнең вәкиле катнаша.
РФ Тышкы эшләр министрлыгының рәсми вәкиле Мария Захарова элегрәк хәбәр иткәнчә, БРИКС саммитының йомгаклау декларациясендә берләшмәдә катнашучы ил башлыкларының дөньякүләм көн тәртибенең төп мәсьәләләре буенча консолидацияле якын килүе чагылыш табачак.