Әлки районы Карга авылында «Алма бәйрәме» узды. Аны шарлотка һәм көзге бәлешләр көне дип тә әйтәләр. Бу хакта «Әлки хәбәрләре»ндә Нәзилә Шиһапова яза.
Бу бәйрәм көз башында, урып-җыю вакыты җиткәч башлана. Бу көнне кешеләр хуш исле һәм тәмле шарлоткалар, алма бәлешләре пешерәләр.
Хуҗабикәләр алмадан ясалган эшләнмәләре турында серләрен ачты, үзара рецептлар белән бүлеште. Соңыннан чәй өстәле артына җыелыштылар.
