Санкт-Петербургта «Мәүлид ән-Нәби» бәйрәмендә кече хаҗга юллама уйнаталар
Санкт-Петербург һәм Россиянең Төньяк-Көнбатыш төбәге мөселманнары Диния нәзарәте шәһәр халкы һәм кунакларын Мөхәммәд пәйгамбәр (салләллаһу галәйһи вә сәлләм) туган ай Рабигыль-әүвәл аена багышланган «Мәүлид ән-Нәби 2024» чарасына чакыра. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.
Программада:
- дин галимнәре чыгышлары;
- хөрмәтле Коръәнне уку;
- танылган башкаручылардан нәшидләр;
- театраль куелыш;
- бүләкләр белән викторина;
- төп бүләк – кече хаҗга юллама уйнату
Мәүлидне Дагыстан Республикасы мөфтияте белән берлектә Санкт-Петербург һәм Россиянең Төньяк-Көнбатыш төбәге мөселманнары Диния нәзарәте «Дагыстан» мәдәни-агарту үзәге ярдәме белән оештыра.
Чара 22 сентябрь, якшәмбе «Санкт-Петербург» кунакханә комплексы концертлар залында 11:00 сәгатьтә башлана. Керү ирекле.
- Катнашу өчен сылтама буенча теркәлергә кирәк: https://forms.gle/DkbZbHUjncRnSBNa9, https://dum-spb.ru/news/priglashaem-na-mavlid-an-nabi-2024.html