Рөстәм Миңнеханов Алинә Заһитованың боз тамашасында булды
Татарстан Рәисе Рөстәм Миңнеханов фигуралы шуу буенча олимпия чемпионы Алинә Заһитованың боз шоуында булды. Ул Казанда «Татнефть Арена» мәйданчыгында узды, дип хәбәр итә ТР җитәкчесенең матбугат хезмәте.
Тамаша Россия һәм Татарстан тарихына, уникаль традицияләргә һәм мәдәнияткә багышланган. Артистлар шул исәптән татар милли киемнәрендә дә чыгыш ясадылар. Хәрәкәт мультимедиа һәм яктылык инсталляцияләре белән барды.
Тамаша тәмамланганнан соң Рөстәм Миңнеханов Алинә Заһитова белән очрашты һәм тамашага югары бәя бирде. «Масштаблы һәм бик креатив!» - диде Татарстан Рәисе.