Киләсе ялларда Казанда метро станцияләре янында вакцинация пунктлары эшләячәк
Киләсе ялларда Казанда метро станцияләре янында вакцинация пунктлары үз эшен дәвам итәчәк. Бу хакта «Татар-информ»да узган агымдагы санитар-эпидемиологик вазгыять турында матбугат конференциясендә Татарстан Сәламәтлек саклау министрлыгының штаттан тыш баш эпидемиологы Дмитрий Лопушов хәбәр итте.
«Казанда метро станцияләре янында әлегә кадәр вакцинация пунктлары ачык. Бу алда торган бәйрәм чаралары планында да бик мөһим процедура - һәркем үзенә вакцина ясату өчен вакыт бүлеп бирә ала. Традиция буенча метро янында яшәүчеләр һәм эшкә баручылар вакцина ясата», - диде ул.
«Татар-информ» хәбәр иткәнчә, «Авиатөзелеш», «Яшьлек», «Кәҗә бистәсе», «Тукай мәйданы», «Җиңү проспекты» һәм «Имәнлек» станцияләре янында гриппка каршы прививка ясатырга мөмкин.