Ингушетиядә полицейскийлар, православие руханиларына карата терактны булдырмый калганнар
Федераль иминлек хезмәте вәкилләре Ингушетиянең Назрань шәһәрендә һәм Кантышево авылында республика хокук саклау органнары хезмәткәрләре, шулай ук дини объектларга карата терактлар планлаштырган алты кешене тоткарлады. Аерым алганда, алар Сунжа шәһәрендәге Покров Изге Богородица чиркәвенә һөҗүм итәргә җыенган булган. Бу хакта Федераль иминлек хезмәтенең иҗтимагый элемтәләр үзәге хәбәр итә.
Билгеләп үтелгәнчә, тоткарланучыларның фатирларында кулдан ясалган шартлаткыч җайланма, аны әзерләү өчен компонентлар, утлы һәм салкын корал, террор оешмасы символикасы, шәһәр һәм урман шартларында сугыш хәрәкәтләре алып бару буенча киңәшләр урын алган электрон мәгълүмат җайланмалары, шартлаткыч һәм яндыра торган җайланмаларны җыю буенча инструкцияләр табылган.
Тоткарлаучылар күрсәтмәләр биргән. Җинаять эше кузгатылган.