Әлмәт спортчысы илкүләм бокс ярышында җиңү яулады
18-24 август көннәрендә Түбән Новгород өлкәсенең Бор шәһәрчегендә спорт мастерына кандидат исеме өчен 2008-2009 елларда туган спортчылар арасында А.А.Половинкин истәлегенә бокс буенча бөтенроссия ярышлары узды. Анда Әлмәт спортчысы Илназ Йосыпов җиңү яулады. Бу хакта «Әлмәт таңнары» хәбәр итә.
Турнирда Россия Федерациясенең иң яхшы 120 көрәшчесе катнашты. Әлмәттән «Девон» бокс клубы һәм «Юность» спорт мәктәбендә шөгыльләнүче 4 спортчы чыгыш ясады.
Егор Гудошников, Артем Бормотов көмеш медаль алды. Алар югары категорияле тренерлар Р.Низамиев белән С.Бормотов җитәкчелегендә шөгыльләнәләр.