Татарстан Рәисе Рөстәм Миңнеханов Казан Глобаль яшьләр саммиты пленар утырышында катнашты. Ул республика соңгы елларда уздырган спорт чаралары, инфраструктура үсеше һәм төбәктә яшьләр өчен булган мөмкинлекләр турында сөйләде.
«Яшьләр сәясәте – Татарстан һәм гомумән Россиянең кеше капиталын үстерү өчен өстенлекле юнәлеш. Тышкы тискәре факторларга иммунитеты булган шәхесне камилләштерү һәм гармонияле үстерү өчен нигез — ул балалар үсә торган тирәлек белән билгеләнүче сәламәт кыйммәтләр ориентирлары. Бу мәсьәләдә Интернет һәм заманча технологияләр аерым роль уйный. Мондый чакырулар көннән-көн актуальләшә бара. Болар барысы бездән эшнең яңа сыйфатын таләп итә. Еш кына яшьләр алар өчен дәүләт тарафыннан булдырылган мөмкинлекләр турында белми», - дип билгеләде Миңнеханов.
Бу уңайдан Рәис кунакларга республикада эшләүче яшьләр оешмалары турында сөйләде. Ул «Сәләт» бергәлеге, «Созвездие — Йолдызлык» хәрәкәте, Яшьләр дипломатиясе академиясе, «Беренчеләр хәрәкәте» һәм башкаларга аерым игътибар бирде.
