Тәрбиягә күп бала алган гаилә Питрәчтә «Гаилә елы»на багышланган конференциядә катнашкан
Яшел Үзән районы Норлат авылында тәрбиягә күп бала алган Миңнуллина-Латыйповлар Питрәчтә «Гаилә елы»на багышланган август конференциясендә катнашкан. Алар шушы районда укытучы булып эшләүче олы кызларына теләктәшлек белдерергә барган. Бу хакта «Яшел Үзән» сайтында хәбәр ителә.
«Миңнуллина-Латыйповлар гаиләсе шушы көннәрдә тагын бер баланы тәрбиягә ала. Шулай итеп, гаилә тагын да ишәя – барысы бергә 21 бала. Һәммәсенең игелеген күреп, бәхеттә генә яшәргә насыйп булсын», – диелгән хәбәрдә.