Әлмәттә кинология комплексы өчен «Спутник Маэмай» исемен сайладылар
3 һәм 4 августта «Смена» җәйге китап фестивалендә әлмәтлеләр «Дог-Френдли Татарстан» проекты белән кинология комплексына исем сайлады. Бу хакта «Әлмәт таңнары» хәбәр итә.
Этләр белән шөгыльләнү һәм уеннар өчен мәйданчык космик тематикада (эт-космонавтлар) рәсмиләштереләчәк. Бу космосны үзләштерүгә зур өлеш керткән герой эт – космонавтларга багышлана.
Шунысы кызык: «Маэмай» - татар авылларында этләргә ягымлы кушамат, шулай ук бөек татар шагыйре Габдулла Тукайның мәшһүр шигыре герое исеме. «Спутник Маэмай» кинология комплексы сентябрь башында ук Бигәш урамы һәм Зарипов проспекты киселешендә ачыла.