2024 елның икенче кварталында Татарстан укытучыларга тәкъдим ителә торган уртача хезмәт хакы суммасы буенча төбәкләр арасында өченче урынны яулады. Төбәктә өч елга кадәр эш тәҗрибәсе булган белгечкә 46-100 мең сум түләргә әзерләр. Узган елның шул ук чоры белән чагыштырганда суммалар 12 процентка арткан, дип хәбәр итә ТАСС «Авито работа» платформасы тикшерүенә сылтама белән.
Рейтингта башкала төбәге һәм Ленинград өлкәсе исәпкә алынмаган. Беренче урынны Ханты-Манси автономияле округы яулаган, анда яшь педагогларга 60 мең сумнан 120 мең сумга кадәр түләргә әзерләр (тулы мәшгульлек булганда). Киләсе урында Свердловск өлкәсе – 50-110 мең сум. Татарстаннан соң Төмән өлкәсе (46-95 мең сум) һәм Краснодар крае (50-90 мең сум) тора.
Аналитиклар шулай ук Россия төбәкләрендә укытучыларга ихтыяҗны анализлаган. Ул иң күбе Оренбург өлкәсе (72 процент), Ямал-Ненец автономияле округы (49 процент) һәм Пермь краенда (биредә икенче кварталда алдагы чорга караганда 37 процентка күбрәк белгеч эзләгәннәр) арткан.
