Фәрит Хәнифов Казан метросы турында: Шәһәр өчен темплар җитәрлек түгел, әмма эш – акчада
Казан метрополитенының яңа станцияләрен төзү темплары канәгатьләндерерлек түгел. Татарстан транспорт һәм юл хуҗалыгы министры Фәрит Хәнифов Казан шәһәр Думасының XXXI сессиясендә шулай дип белдерде. Анда Казан шәһәр Думасының бер депутаты Казанда 20 ел эчендә нибары 15 станция төзелүе, Мәскәүдә исә 10 елда 10 тапкыр күбрәк – 150 станция сафка бастырылуы турында әйткән иде.
«Казан шәһәре өчен җитәрлек темплар белән бармыйбыздыр, күрәсең, сезнең белән килешәм. Әмма биредә барысы да акчага килеп терәлә», – дип искәртте министр.