Кыргызстанда “Салимбай байбача” деген каймана ат менен таанылган өзбекстандык кримтөбөл Салим Абдувалиевге издөө жарыяланды. Өзбекстанда абакта олтурган Абдувалиев Көлбаевдин уюшкан кылмыштуу тобун каржылаган деп шектелүүдө. Израил армиясы менен “Хезболла” радикал уюмунун ортосунда атышуу уланууда. Ал арада АКШда жана Еврошаркетте террордук деп таанылган ХАМАС радикал уюму саясий канатынын башчылыгына Яхья Синварды тандады. Олимпиада оюндарында Кыргызстанга биринчи медалды күрөш боюнча балбандар алып берди. Мээрим Жуманазарова күмүш, Жоламан Шаршенбеков коло медал тагынды.
