Qytetarë serbë të pjesës veriore të Kosovës, protestuan në afërsi të urës së Ibrit në Mitrovicë të Veriut. Disa prej përfaqësuesve të komunitetit serb në deklarimet e tyre kundërshtuan hapjen e urës për qarkullimin e automjeteve derisa thanë se po përballen me presione të vazhdueshme nga Qeveria në Prishtinë. Ish-gjyqtari nga Mitrovica e Veriut, Nikolla Kabashiq, tha se serbët nuk po protestojnë kundër popullit shqiptar, por kundër Qeverisë së kryeministrit Albin Kurti.
