Июльдә Россиядә яңа җиңел машиналарны сату 42 процентка арткан
Июльдә Россиядә 136,2 меңнән артык яңа җиңел машина сатылган - бу үткән ел белән чагыштырганда 42,4 процентка күбрәк һәм 2024 елның июнь нәтиҗәләре белән чагыштырганда, 9,5 процентка яхшырак. Бу хакта «Известия» яза.
«Автостат»ның башкарма директоры Сергей Удалов сөйләвенчә, гыйнвардан март аена кадәр илдә яңа автомобильләр сату ай саен арткан, әмма апрельдән машиналарны сату күләме кими башлаган. Шул рәвешле, «айга ай» нисбәте буенча автомобильләр сату күләме яз уртасыннан беренче тапкыр өскә күтәрелде.
Июльдә Россия базарында Кытай автоҗитештерүчеләренең өлеше 61 процент тәшкил итте (бер ел эчендә үсеш 10 процентка арткан). Узган июль күрсәткечләре белән чагыштырганда массакүләм сегментның барлык автобрендлары сату үсешен күрсәтте.
Премиаль сегментта Кытай брендлары 81 процент алып тора. Hongqi, Lixiang, Aito, Zeekr брендларының сату үсеше елына 3-6 тапкыр арткан.