Корея Халык-Демократик Республикасы Рәисе Ким Чен Ын илнең төньягында булган су басу нәтиҗәләрен бетерүдә ярдәм күрсәтергә әзер булуы өчен Россия Президенты Владимир Путинга рәхмәт белдерде. Бу хакта РИА Новости хәбәр итә.
«Хөрмәтле иптәш Ким Чен Ын Корея Халык-Демократик Республикасы Хөкүмәте, ТПК, Корея халкы исеменнән һәм шәхсән үз исеменнән Президент Владимир Владимирович Путинга һәм Россия хөкүмәтенә чын күңелдән рәхмәт белдерде», – диелгән Корея үзәк телеграф агентлыгы (ЦТАК) хәбәрендә.
Төньяк Корея лидеры әгәр торгызу чаралары вакытында ярдәм кирәк булса, ул «иң ихлас дусларына» – Россиягә мөрәҗәгать итәчәген әйткән.
Көчле яңгырлар аркасында июль ахырында Кореянең төньягында су басты, 4 мең йорт һәм авыл хуҗалыгы җирләре су астында калды. Путин Ким Чен Ынга илнең төньягында су басу аркасында кайгы уртаклашу белдерде.
