Татарстанлылар мәдәният, сәнгать һәм иҗади индустрияләр өлкәсендәге проектларга ярдәм итү өчен Мәдәни инициативалар Президент фондының грант конкурсына гариза бирә ала. Кабул итү кампаниясе 2024 елның 10 сентябренә кадәр дәвам итә.
Грантка түбәндәге категорияләр дәгъва итә ала:
• дәүләт учреждениеләреннән, дәүләт корпорацияләреннән, дәүләт компанияләреннән һәм сәяси партияләрдән тыш, коммерцияле булмаган оешмалар;
• коммерция оешмалары;
• шәхси эшмәкәрләр;
• муниципаль казна учреждениеләреннән тыш, муниципаль учреждениеләр һәм предприятиеләр.
Катнашучылар мәдәният һәм академик (классик) сәнгать өлкәсендәге проектларны, тармакара, челтәрле мәдәни һәм кроссмәдәни проектларны һәм инициативаларны, мәдәният, сәнгать һәм креатив индустрияләр, бу һәм башка өлкәләрдә стартаплар үткәрү каралган инициативаларны тәкъдим итә ала.
Тәкъдим ителгән проектлар «Иҗат итүчеләр милләте», «Мәдәни код», «Яшь лидерлар», «Көч алу урыны», «Бөек рус сүзе», «Мин горурланам», «Ил тарихы /Гасырлар», «Күпмилләтле халык», «Без бергә» тематик юнәлешләрнең берсенә туры килергә тиеш.
