«Экологик иминлек» илкүләм проектында россиялеләрне әйләнә-тирә мохиткә сакчыл мөнәсәбәт өчен бүләкләүне планлаштыралар. Бу шул исәптән бизнеска да кагылачак, дип ачыклык кертте Россия Премьер-министры Михаил Мишустин стратегик сессиядә.
«Әйләнә-тирә мохиткә сакчыл мөнәсәбәт – ул барыннан да элек саф һава суларга, чиста су эчәргә тиешле кешеләр, безнең балаларның сәламәтлеге, өлкән яшьтәге гражданнарның озак яшәве турында кайгырту», - дип аның сүзләрен китерә ТАСС.
Михаил Мишустин дәүләтнең халыкны һәм бизнесны экологик иминлеккә ирешү өчен технологияләр, әйләнә-тирә мохитне саклауга үз өлешен кертергә тиешлегенә игътибарны юнәлтте. Аерым алганда, бу энергияне сак тоту, калдыкларны сортларга аеру, сирәк очрый торган үсемлекләрне һәм хайваннарны саклау өчен волонтерлык һәм башка бик күп инициативалар булырга мөмкин.
«Без Россиянең табигый байлыклары белән хаклы рәвештә горурланабыз, һәм Хөкүмәтнең аларны саклау буенча «Экология» илкүләм проекты кысаларында соңгы биш елдан артык алып барган эшләре бик мөһим», — диде Премьер-министр.
