Балалар товарларының илкүләм индустриясен һәм балалы гаиләләр өчен хезмәтләр базарын үстерү «Яшьләр һәм балалар» илкүләм проектына кертеләчәк. Россия Премьер-министры Михаил Мишустин Федерация Советының палата советы әгъзалары белән очрашу нәтиҗәләре буенча шундый йөкләмә бирде. Бу хакта Хөкүмәт матбугат хезмәте хәбәр итә.
Бурыч Россиянең Яшьләр эшләре буенча федераль агентлыгына, Россия Мәгариф, Финанс, Сәнәгать һәм сәүдә министрлыгы һәм Финанс министрлыкларына куелды. Ул агымдагы елның 1 ноябренә кадәр башкарылырга тиеш.
Моннан тыш, Хөкүмәт рәисе төбәкләрне табиблар һәм укытучылар белән тәэмин итү мәсьәләсен карарга, студентларны шушы белгечлекләргә эшкә урнаштыру мөмкинлеген бирергә өндәде. Шулай ук ул, конкрет эш бирүчеләрнең ихтыяҗлары нигезендә, кирәкле һөнәрләр һәм белгечлекләр буенча белгечләр әзерләү өчен «Профессионалитет» федераль проектын киңәйтергә кушты.
Балаларны ял иттерү һәм сәламәтләндерү оешмаларын торгызу өчен федераль финанслауны 1 млрд сумга арттыру планлаштырыла. Бу Федерация субъектларында кирәкле заманча инфраструктура булдырырга мөмкинлек бирәчәк.
