Татарстанда авыл җирлекләренә һәм районнарның административ үзәге булмаган шәһәр тибындагы бистәләргә грантлар бирү шарты үзгәрде. Республиканың Министр Кабинеты карарын Премьер-министры Алексей Песошин имзалаган.
Аерым алганда, грант бәйгесе җиңүчеләре билгеләнә торган шәһәр тибындагы бистәләрнең өч категориясенең икесе башкача билгеләнгән. Хәзер 5 меңнән 12 меңгә кадәр һәм аннан күбрәк кеше яшәгән бистәләр һәм 5 меңнән 11 меңгә һәм аннан күбрәк кеше яшәгән һәм бистә булып саналмаган җирлекләр турында сүз бара.
Моннан тыш, әгәр башта авыл җирлекләре арасында бәйгедә җиңүче анда кабат өч елдан соң гын катнаша алса, хәзер аларга ике елдан соң катнашу хокукы бирелә.
Грантлар күләме үзгәрмәгән: авыл җирлекләре өчен 2 млн һәм район үзәге булмаган шәһәр тибындагы бистәләр өчен 2,5 млн сум.
Моннан тыш, бәйгенең оештыру комитеты сәркатибе, «Татарстан Республикасының муниципаль берәмлекләр советы» ассоциациясе башкарма сәркатибе Александр Барышев оештыру комитетыннан чыгарылган. Әлеге вазифага аның Муниципаль берәмлекләр советындагы урынбасары Аркадий Семенычев билгеләнгән.
