Алматыдан АҚШ-қа жақсы өмір іздеп кеткен отбасының бастан кешкенінен шытырман фильм түсіруге болады. Отбасы азын-аулақ мүлкін сатып, бірнеше ел арқылы Америкаға жақындап, теңізді жүзіп өту үшін қайыққа мінеді. Бірақ жиырма мигрант мінген кішкентай қайықты толқын аударып жіберген. Бірнеше сағат ашық теңізде бөшкеге жармасып, бір үйлі жан әрең тірі қалады. "Енді қайыққа отырмаймын" дейді үйдің бес жасар кенжесі.
